請各位幫忙看看~萬謝(已更新)

[poyiny]

下面果幅系我之前讀果個課程既其中一份功課黎架~(3ds制作)
我先講講我個課程學咩先,佢分四個單元:
1.flash的基本用法(30 hours)
2.flash做walk cycle動畫(30 hours)
3.3Ds基本用法,點整一物物件出黎,畫人面(不包頭頂及後腦),耳仔,用圖則劃示范單位再加家私,打燈,set鏡頭等等...(30 hours)
4.3Ds做特別效果&做一條片出黎...(30 hours)

佢第一,二個單元系同一個人教,第三及第四個單元就分開兩個人教(即共三人),其實教3ds果兩個人,我覺得佢地真系好pro架(對動畫),但系教書黎講就唔得,因為佢地只顧自己有自己講,一路講一路做,但唔會理d同學明唔明,所以3ds我真系學唔到好多野...呢幅我覺得已經系最覺得人架啦~~

問題黎啦..
1.以呢幅野既水平(我知好差),其實系出面公司計,可唔可以入到行做一個學徒仔呢?(我見過i字公司請人,但一來佢地用maya我唔識,二來真系好遠,我住新界,佢果3k我真系唔夠一個月用.....仲邊等到佢三個月過試用期丫)
2.我知出面d公司大多用maya同3ds,但我自覺3ds都未學好,似乎唔應該咁快去學maya,對嗎?
3.其實本身我對平面設計(我都學過,不過又系皮毛)同埋動畫都有興趣,所以而家都煩緊應該向邊一面進發(我已30歲了),因為真系好驚行錯一步好難再有另一個機會翻身,動畫行頭窄,但又好似專業d,遲幾年又可能會越來越普及,但平面設計又好似多d機會,易d搵到工,但相對地又多d人同你競爭....我都唔知點好..

希望大家可以俾d意見我,先行謝謝~~

http://photo.pchome.com.tw/tamama_photo/120117893648

[h2o]

先回你幾個問題:

1. i 記有公司車架 wow, 我知大埔有一架, 其他就等 members 補充. 返工一定准時, 放工我就唔知, 所以起碼每日有一程可以慳左 :p

3k... 我聽d 學生講, 好似唔系呢個數 wow

2. 其實學識左 3d 既 concept, 跟住去學 maya 都得... 睇你個根基有幾好啦.

3. 點解要將 graphic design 同 3d 分開呢? 依家好多野都要兩者配合, 大家系互補關系. 正如做 design or animation 一樣, 公司都要學生有 art 底啦.

[zeegee]

1. 公司車系番工先有,仲要唔系度度有得,多數要轉車去坐!3k呢樣野冇左起碼成年幾lu,但要有experience/ study過 law!~

[milkboy]

興趣當興趣玩下咪算囉，如果樓主而家先學art，落後好多。後生入行既，細細個已有興趣，喺中學時已訓練喇。

平面系專業，但已經冇發展空間，大陸一本電話薄咁厚既素材，人地靚靚做好曬，仲有咩好補充呢？

3d更加專業，問題系點同後生咁長時間工作呢，人地頭發夠長，發尾冇開叉，出奇順滑，通頂冇問題~

[h2o]

每行都系架喇, 由低做起, 做到夠 pro...... 由初學到專業, 大多數人都要幾年時間. 至於付出幾多時間, 學野有幾快, 呢樣野完全冇客觀標准


sorry, 講左好似冇講咁, 因為單憑一幅圖, 又唔清楚你既 bg & attitude, 好難判斷, 我只可以話 3d 呢條路唔易行