viewforum.php?f=11↑唔少公司都o係哩度出招聘,可以多多留意.
想入行應該research 一下哩一行有o的咩工作範圍,實際工序有o的咩綱位.
從而搵出最適合你能力,甚至你理想o既職位.
例如你話想搵動畫設計及遊戲美術的相關工作,個範圍相當大...
單單動畫設計,有motion graphic,3D animation,CG effect....等等不能盡錄....
遊戲美術又有2D concept art,3D animation,programming....等等不能盡錄....
每一個party做o既o野可以極大分別,所以請你收細o的個範圍.
作品集方面,可以針對你目標公司或者目標職位去設計.
令人地相信你有能力做好哩份工.
另外,哩一行唔多唔少都需要art scene,可以額外放一o的你o既素描,繪畫或者相片去表現你o既art scene.
而作品質素方面貴精不貴多,
好多人會將自己學過邊科,做過乜功課都放晒落作品集裡面,
但係o個o的梗梗叫做完成o左,唔想話係自己作品o既功課就唔好拎出o黎.
因為人地唔識你,唔知你經歷過乜o野,學過乜o野,作品集就代表o左你俾人o既第一印象.
作品集應該隱惡揚善.
當然...揀之餘,又唔好數量少到十秒內睇得晒...
求職時要注意...唔知你意思係咪去面試o個陣.
面試時穿著整齊乾淨唔駛多講.
未必要著到好formal,smart casual 都OK.
要比約定時間早少少到.到步前搵鏡照o下,執執自己.
同人見面要積極同人溝通,望人雙眼唔好垂低頭,打招呼要清楚,握手要用力.
要記得人地公司o既情報,要記熟自己所有資料同埋作品.
回應人地講o野時候要清楚流暢,唔好 er.... 或者 吾.... 咁諗太耐.
咁樣會顯出你o既積極,友善同埋自信.
唔好話自己諗住入o黎公司學o野,唔好諗住自己係求人地俾份工你.
應該要自信自己勝任哩一份工,相信自己加入哩間公司係會幫到哩間公司.
......等等不能盡錄
好支力,講住咁多先...