由 moc » 15日 6月 2015年, 14:39
靚仔,
對於你提出的問題,似乎並無一個"實得"方案,
人人都只係提自己個"折衷"方式,
你所講的環境,人事問題,確係度度都有,也好廣泛,
更甚是,即使你有能力做到,
居然會有人話你"做壞規矩",令到做不到的舊同事難堪,也令到老闆要求大家都達到,江湖從此多事....
我的折衷計係,公一份,私一份.
公的一份,Hea少少,間中稍稍表現一下.其餘時間只做該做的,
私的一份,就睇你整體能力值,識幾多泛,個人可以負載多少項目,人脈圈子有幾大,時間有幾多,體力有幾多.精神有幾好...
兩者多除少補,讓你可以生存,可以養家,當然有計劃的可以搞個人project,甚至搞個人公司仔...
你完全不用放棄任何認為值得去馬的方向或技術,
同時也不用太著意,呢行前景如何,所有雞蛋放一個籃,肯定係危險啦,
做得到,當然係綀多幾項,一項唔得,仲有另一項頂著.
係香港撈,好多中少型公司,並非要求你只"專強"一項,而係"泛強",
一個人能獨立基本攬起一整個流程,質量才緊隨其後,
尤其老闆及負責人普遍都只是半桶水,大都只在乎,你能否做到,能做到便有賣點有價值了.
找工作不難.價錢也不會太低.
至於人事問題,當你做耐了,要基本融入,鳩吹時鳩吹,燃叫時燃叫,
對於只吹水能上位,認屎認屁的人,啱用咪學習人地湊客之道,留給自己往後用...
祝你順利過渡...