左派勢力真系咁勁 ?

[陳根]

呢個咩世界黎o既呢 ? 咁o既選舉結果 ? 民建聯可以有咁多票 ? 老一派o既港人，應該都受過文革洗禮架啦，點解仲可以咁左 ? 到底系香港o既利益集團大左，定系真系左派思想滲入得咁緊要 ?

[CraZ3D]

好失望 好失望

連 蔡素玉 都入得返議會 ..
佢話多謝港島區的選民 ...

真系多謝"港島區"d選民咁愛戴佢...

咩野世界 ... 究竟香港人系咪真系喜歡呢d咁有水准的左派..

什麼 64 , 什麼 71 .. 結果 912 都唔夠 6 成人出黎投票 ,
結果 陳鑒林 ,蔡素玉之流仍然可以坐番系度...

無得救 . 我對香港人好失望

[badBoy]

某位民建聯議員仲話市民支持佢地o既理念,因為佢地提出了穩定同和諧........... 吹漲:cry:

[展翅青年]

香港擁有言論自由.幾好呀!有自己法制,幾好呀,有自己獨特文化,幾好呀!有得捍衛自由!幾好呀!7.1大游行!幾好呀!投票可盡公民責任!幾好呀!不過投票所得出黎結果,好唔好就因人而定.,自問英文一舊舊,國語人家聽唔明,只好廣東話按一字,對不起我太無知,世界有多大唔到我去講!

[陳根]

呢班民主黨，經已系停留左響時代o既背後，如果無新o既一代接班人，四年後仲系呢幾件要退休o既阿哥走出黎選，基本上可以預期民主黨一定被群眾所唾棄，會自己覆亡，左仔跟本可以唔洗出手。

但如果單憑民主黨家下呢幾位話事人揀卒，咁....香港都注定系土共o既世界.....依 ?! 邊度移民好話 ? 我諗我家下要諗諗啦

[zaku]

民主黨/派重系一盤散沙, 點同一個"國家"斗!
民主黨/派換人啦!
浪費我投了余/何的一票!
每次立法局投票都給我失望!

[okpc]

香港人系o甘低智架啦.
見到郭晶晶就個個當神o甘拜,
俾個奧運銀牌你又話乒乓波好hit.
爆單捉黃腳雞出來就個個扮曬君子跟住鬧.
轉個頭就唔記得曬64,沙士死左幾多人,
71為左乜上街.

[陳根]

老實講，民主黨今次唔單祇得唔倒民心，相反，有唔少人會開始討厭佢地，因為我地出黎所投出黎o既一票，已經比民主黨毫不猷疑咁倒左落海，我響度諗，我地兩次熱到死咁出黎行七一，為左乜 ? 當然，我唔系為左民主黨，系為自己，所以我投泛民主派一票，都系為自己為自己o既下一代，結果，只系成全左幾個私心極重o既老不死當選，個黨名的確系民主黨，可惜裡面卻空空如也，只得幾句口號，咁同老董有咩分別 ?

你估單憑一個口號 "泛民主派過半數得議藉"，就可以真系可以美夢成真 ?一開始o既配票亂七八蹧，結果變成一盤散沙各自為政，我一直無留心個什麼什麼鑽石名單系乜，但見其中一張名單上面印住....楊森行先，之後李柱銘.....搞錯呀 ?咁唔肯認輸都得 ? 曾鈺成上次辭去民建聯o既主席一黨主席一職，都仲系立法會議員丫， 楊森又點解唔可以成全其他人，自己企出黎一條友選先 ? 咁唔輸得起 ? 李柱銘選唔選倒唔系問題，只系要一個咁有份量o既政治明星 (今日之前仲可以咁叫o既) "氈屍底" ，咁做法咪仲左個馬力 ? 仲不擇手段過土共? 所以今次民主黨大敗，只可以歸疚兩個字...私心。

[badBoy]

有時真系覺得民主派自己好唔爭氣.....
不過點都好,如果畀曬d左仔當道,香港更加快玩完......

[zaku]

計台灣總統大選, 又一大笑話!?
港島民主黨有六成票都輸!

[zaku]

計台灣總統大選, 又一大笑話!?
港島民主黨有六成票都輸!

[CraZ3D]

今次選舉 我認為最大問題唔系 民主派 上 , 選票結果系每個區的 "左派票" 都好高.
即系根本有好多人投仍然 "左派" . 而整體投票率又唔到6成幾...

民主派根本唔可以玩"配票" . 因為佢地知道投票系個人決定 ; 唔似得左派果班人 , 叫你投陳鑒林就一定唔好投陳婉嫻. 所以只有 選票率高先可以令更多泛民主派入局 . 但結果系 "左派" 得票率亦高 , 實熟此料不及.

而客觀事實... 李柱銘系唔可以落選, 因為佢系香港民主之父 , 如果輸了 , 你估中央會點? 一定藉此會打壓香港人的民主自由; 而何秀蘭落選系影響較少.

最令人失望的系香港人仍有大部份支持左派 , 令 陳鑒林 , 譚燿宗 , 曾鈺成, 馬力,蔡素玉等人入局...

香港人不自救; 怨得邊個..

[noomo]

今屆民建聯的得票比上屆少，不得不佩服佢地的動員能力。還有他們的支持者的服從性。民建聯雖然得票少過上一次，但議席卻多兩個，說明他們可以動員支持者准確配票。

一向民建聯的支持者，不管民建聯派誰出戰，他們一樣照投可也。他們除了受文革洗禮，同樣受“蛇宴、荔枝團、各式聚會”洗腦，管他是誰，只要是民建聯招牌就照選可也。這些日積月累的“功力和恩德”，令他們的動員能力十分有效。這點泛民主派望塵莫及。

相信這局面要等十多二十年後，等民建聯那班老一輩的支持者離去後，香港新一代選民湧現才會改變。我相信長毛的大部份選票皆來自新一代選民。我看好長毛，表面上他形像是個魯粗，但聽過幾次他在電台上的訪問，發現他是一個思路清晰、心思細密、政治智慧頗高的人。街頭抗爭只是他的招牌，希望他在議會在能有作為。

[shady_lady]

首先投票不應在星期日，星期日是香港人爭取訓覺和痳雀耍樂時間，第二: 應該有成人身份證就可投票，查實好多人都唔知自己有無登記選民，太復雜啦。第三:投票中心應該設在人流最多的商場食肆和垃圾站，誇區投票，咁就肯定有300萬人以上去玩啦。

多左廿幾萬人出泥表態都算系咁啦，香港人系咁架啦，不要有太過天真的想法。其實香港人要求好卑微架渣(黃毓民語...)，搵倒兩餐晏仔食咪算囉.....民主派咪當以退為進囉，暫時咪玩咁大，唔系激嬲老爺落闡放狗好恐怖架，整個臨時垃圾會你歎都得架。

(新武將.....“長毛”一騎當千，真香港無雙，level 12武器就系棺材、9 hit。發現貴重品系豬仔和香蕉，打到董事長本陣士氣低下，哈哈)

[陳根]

家下有人懷疑政府舞弊喎，呢個政府真系弱勢得緊要....不過就算系咁，我地又可以點呢.....?