我又唔覺得真系話好咁幾咁失望，入得戲院睇就預左系商業片霸，而且又系有原著backup，唔期望什麼內容會完美演繹，故事有大漏洞亦系意料中事，所以都系以我俾左$50戲飛錢o既心態入去睇下值唔值o既o者。
$50我覺得好抵睇丫，俾$50睇下人地ILM做到PKo既CG就系其中一抵啦(又或者可能佢地好多野已經可以1 click搞掂呢，呵呵)，反觀港產片有時入戲院睇都覺徙錢。
雖然故事o既發展太過急轉直下，但系都算有一個合理o既結尾(史sir話:原著系咁丫嘛，我照拍o者)。唔合理o既只系在於有某些事件系觀眾所期望見到而又冇出到;又或者系某o的事物太過畫出腸o者。咁話曬佢都系荷裡活片，梗有佢做得好掂或不足o既地方。興幸o既當然系湯生唔系Armageddon裡面Burce Willis o既翻版(最驚系湯生最後會唔會用佢個貨櫃吊機做o的野o者...sorry我冇睇原著，呵)，不過阿史匹堡都硬系要搞到佢有o的英雄o既影子.......
最後o個句啦，都系幾抵睇~~~~$50睇史sir拍o的乜大制作又夠盞鬼啦。
以上純緒閒聊，有錯勿責。
