地獄門

[Wolf]

衣笠貞之助的名作，協同“羅生門”“雨夜物語”將日本電影介紹俾世界的經典，終於俾我等到喇(20年的等待)！

前幾日有幸睇到另一套日本名作，野村芳太郎1974的“砂之器”。雖然個DVD畫質好差，同埋導演同編劇（山田洋次）的敘事法有啲甩甩地，不過結局的感情排山倒海，好耐冇睇到咁感人的戲。有冇朋友睇過？可以嚟討論一下。

[darkie]

我好少睇日本的舊片,前輩可以多講一下嗎?

[Wolf]

多講一下“地獄門”，“砂之器”定系日本電影丫？

[milkboy]

有空請兩部都講下，其實可能大部份人只聽過黑澤明，或者概括下日本電影更好。

[Wolf]

哈哈，好貪心的要求。唔怪之新加坡人怕輸，香港人要贏，就系咁解喇。

啱啱睇完“地獄門”，一句講曬：顏色玩樂場。開場一幕攻城逃難，
七彩交織的畫面已經先聲奪人。我好鍾意裡面道具的應用，其中一幕
竹簾用得好精彩，好有品味。服裝更是華麗得不得了(當年奧斯卡得獎)。
不過整體而言，藝術成就遠不如同期的“雨夜物語”。

“砂之器”等你買嚟自己欣賞（通街有），我就唔講住先喇，免得破壞
你嘅欣賞情趣。

日本電影概括？我未夠班講呢樣野，仲系探索緊。