華仔變身被嘲特技屎 王晶發律師信逼 YouTube鏟片
電影《未來警察》由劉德華、范冰冰和徐熙媛等中港台紅星主演,王晶執導,已定於明年初在中港上演。電影講述劉德華從 2130年回到 2080年拯救愛女徐嬌,並且擁有變身能力,由於電影涉及大量特技,所以目前仍在做後期加工。
“未做後期特技”
不過近日有網友發現一段《未》片的片段在 YouTube網站上任人瀏覽,不少看過的人在網上留言,指該片特技粗糙,恍如回復 10年前的水平。王晶得知事件後深感不忿,他日前在其位於觀塘的辦公室內接受訪問時無奈說:“個感覺好似自己個仔俾人除曬衫畀街坊睇咁,因為套片都未做後期嘅特技,當然唔見得人,連背景音樂都系剪片師自己是但搵《變形金剛》音樂配上去用住先。”
王晶表示片段流出原因仍在追查,但斷言否認是宣傳伎倆,他說:“要做宣傳放都放段好啲啦,呢段盜錄片最多完成咗 3成。”
王晶謂最難忍是網民的抨擊,將電影與多年前的港式特技片《中國超人》相提並論,他說:“發現之後我已經即時透過律師去信有關網站,希望佢地可以盡快鏟咗條片,唔好再畀佢喺網上面流傳。”他更謂會盡快將一條完成品放上網以正視聽,洗脫特技大倒退的不白之冤。
http://hk.apple.nextmedia.com/template/ ... d=13520650
p.s. 有制作 noise 以作宣傳既感覺