由 moc » 8日 1月 2005年, 00:43
對有意報課程....
我有點意見一直想講兩咀.......
首先
想做出來的作品....硬照好.....動畫好.....有番咁上嚇........
去到想到表達到.............又未至被人柴台.......
我一直認為跟做其他事無分別.....
重點是放心機,時間,精神.耐性......燃燒自己......
磨呀磨........國內同胞常常說的"十年磨一劍".....
第一次嘔血作品......未必馬上到頂.....甚至可能同自己心目中差好遠....
完全眼高手低......但記住要愛上"嘔血".......
繼續"嘔血"........
你放幾多時間心機落作品度......實反映到出來......
一日一日......一月一月..........一年一年.....
你會發覺如果你仲有嘔血的熱情作3D野.......
慢慢就可以運用自如........
喂!!
冚世界都知"從持續失敗中吸收回來的營養先最長久"
那D俾幾皮野去學什麼"大師""細師"課程的莘莘學子.....
無錯.........聽那刻.....好似心領神會.......
感覺到自己的功力好似同業界越來越近........
知道咗好鬼多秘技咁.........心情大好...
回家索性玩玩"天堂II"...升多兩個level.....橫豎有大師秘技旁身......
據好幾個過來人"學子"話.......課程完成後
幾個月無開個軟件.........一開唔知點落手..........意興闌珊的..打online算
又幾個月唔開........偶然開開.......發覺唔知開來做乜........
再幾個月唔開..............
課程完成後半年至九個月左右.......自己居然打回原形.........
老細叫整只豬仔錢箱都死狗咁.......
問題是這課程是幾皮野仲長達年半的.........................結果得個"吉"
注:個人對上文提及的各個名字....完全無牙齒印的..........