CG-Forum.com

由 **Dick Ma** » 30日 1月 2003年, 15:59

我其實非常需要一份工作...
我會覺得預期在家中閉門造車...不如"拋"個身出黎做....

因為自己本身真是沒有資源去做再深究動畫....另一方面家境衰落中...

希望有人可以睇一睇....
就算你唔系老板...希望你們睇完會微笑一下.

由 **Maya初仔** » 30日 1月 2003年, 16:35

YO.........我支持你!!!!

Especially: Animator is a kind of professional like doctors, Lawyers.....
家境衰落中... So do i................... :-?

由 **Dick Ma** » 31日 1月 2003年, 03:18

真系有D丑怪....post 去第二個forum比人捉到grammatical mistakes....

唔好意思...最緊要知錯能改....

不過其實post左之後我有D 後悔的感覺....(當然唔系grammar問題)

其實系自己的問題....(唔好意思...不願多談)

由 **rryria** » 1日 2月 2003年, 02:25

喂, dick 兄

唔好俾咁大壓力自己好喎:x
有乜問題姐, 我覺得這個幾有創意

祝你羊年行大運!!!!! :lol:

由 **Dick Ma** » 1日 2月 2003年, 03:04

假若如果有人真的比機會我...當然就好喇....我會好感激.
但有時我會問自己: 我可以應付得來嗎?

我有個朋友同我講: 創作是未必有實質回報的事物, 如果你要繼續既話, 首先要問下自己系唔系天才? 你會為這樣野會放低幾多時間...光陰...如果可以出頭當然好啦....但如果幾年後仍未有起息時....你會唔會放棄呢?

這幾個月太多事情發生在我身上了.....令我會質疑自己可以放幾多時間落去呢...

由 **Vector** » 1日 2月 2003年, 05:25

老實講,見你o甘sad,都冇咩好講，不過有些話你或者可以聽聽我一直也有看這個Web site,亦看到很多各些各樣的人。
但你給我印象很深,但是負面多。你有否覺得自己的言論或多或少也害了自己在這方面的發展。從第三者角度看，你很出鋒頭,好想人認同自己的才華,自己認為有些料到,又沒人賞識。或許你本身非刻意,但事實你給人家這些感覺ｏ香港3D行頭好窄,很多行家都互相認識,別以為他們不會來這裡看,他們不論在大小公司工作,也會來這裡,因為做這行的人也特別留意有關業界消息也主動搵料，他們多數是只看不出postｏ我不肯定所有人,至少我所認識在某大公司裡工作的數位朋友及他們的同事也會這樣做。
而你之前公開力數舊公司及同事的不是,很多人也知道,他們會敢請你嗎?有時請合心水o既人,若對方的舊公司的同事自己也認識,也會問一問意見ｏ某程度上來說,他們也知道你之前的言論,很難會去冒險,何況,老實講,比你技術好的大有人在ｏ就你一直post的圖而言,很多地方: Modelling, texture, lighting, Pose,從學生角度來說尚可以,但在職業角度就未可叫好,如果是用來做profolio搵工的話.
你不用理會我自己能否做得比你好,從觀眾角度,也應有資格批評吧,就像不用自己懂煮得好菜才能分辨好味與否。這就是另一問題了,你給人家很愛出位的感覺,又post自己個名和照片,若果你真的有實力也還好些,或者有人賞識,可是事實上你還未夠料。你若是個人主意太強,鬼知你會否聽人的工作指示。人怕出名豬怕肥,我想為何在這裡好像沒有行內人出post,或許其中一個原因是,若果自己出的post中言論有問題,很快其他人也知道,或衍生出其他是非,多一事不如少一事。另一原因應是行頭好窄,好多時行內人都彼此認識,打電話或平時也會見面,沒有必要在網上討論。還有,工作太忙吧。
打好多字好累,都唔長氣了
這是我個人意見罷了,或許好多都唔啱聽

由 **CraZ3D** » 1日 2月 2003年, 12:19

其實把自己作品放上來碰機會是好的方向, 值得鼓勵 , 只是Dick ma 先生你先前的言論給人感覺是負面得很, 如果你真系想人請 , 就要加多幾錢努力 , 做好你的profile !

你先前做的"舞獅"其實不錯的, 但做human的話,很難做到很好,亦很易給人找到錯處 .

同意Vector 的說法 , 這裡不少業內人看, 也有公司在這裡找人. 所以要在這裡表現自己 ,也得留意自己的言論 .

我也希望多點行內人再此發post而不只是看 !!

由 **Dick Ma** » 1日 2月 2003年, 14:13

平心而論....我系一個唔懂得討好別人的人....我睇番這一個Forum.唔系好見得會有人講實質對現在香港公司有好感的東西....

如果有老板話我在這裡奉承佢一百次佢就會請我....我會為在份工會做....但業界真的需要這樣的人嗎?

我好相信這個forum成立的目的系希望有人講唔同的野,在意見上或者作品上...令業界真系有進步.....正因為業界狹窄....所以更加要廣泛討論.

如果有人在這裡系講在D言論正確, 但對公司相對不利的東西...因而被炒魷既...我想這一個討論區應該結朿...免得其他人受害..

(真系好似神父性侵犯兒童....或者二十三條事件一樣...如果冇人講...那有人關注正視呢...但始終討論事件既過程一定有些人的利益受損的....但唔討論卻會有更多人受害喎)

好簡單....如果有幸有人請我既話....我會默默工作....

另外有人提起我的作品...特別是舞獅唔錯..首先多謝先.
但系唔系我figure做得唔好...就唔好做呢....唔好出黎獻丑呢....我倒不覺得.
舞獅其實我如果資源繼續的話....我真系好想整到佢郁....但奈何未可以住.....(因為要牽涉dynamic計算)

figure方面我會這樣分析既....modelling OK 既(起碼似個人)....但其他方面真系還需多多學習...但有時我會問番自己系唔系真系要做到photorealistic呢(有人會針對這一點來批評作品.)? 因為我會覺得我對真實系有另一番的見解(下刪幾百字...)....我會覺得may be我會擺creativity作為重點....(其實報紙的idea系我記得八九十年代的搵工廣告....那個勁lalalalala踏腳的廣告)

舞獅我沒有放effort落打燈度....但figure我有放effort落去....但這次真是吃力不討好了.

後記:
其實未必真系有人會理我架....不過唔post就真系以後無咩機會post.

由 **Dick Ma** » 1日 2月 2003年, 17:46

有少少題外話...我會覺得我系好相信一些(可能荒謬的)理念...但別人真的未必會認同....

我會在除夕夜晚去文化中心去擲螢光棒....

我會不畏艱辛去小額錢債審裁處去追討應有薪金...好多人都叫我唔好去...因為佢地覺得惹官非唔好.....但我覺得我要證明自己是對的...結果我被判勝訴(雖然拿唔拿到錢是一個問題)....

我會學習去煲湯去侍奉我的母親.....我會去街市買野煲湯...我會學怎樣將一只老鴿斬開四件....或者將幾條山斑的潺用滾水去除...幾時落姜或者幾時落陳皮.

我會為親戚個仔補習....雖然佢好曳,同埋得一個星期的時間...但極其量為佢的英文科考試由唔合格變成八十一分....希望會幫佢搵間好的中學.

我敢去環球嘉年華連續玩兩次G-Force.

由 **Boaz** » 20日 2月 2003年, 15:37

欣賞您對某些事情的看法和執著...
但是說話婉轉些對您有益啊...
我知道有些公司是很"無良"....但...
直接說出該公司的名稱...
我是雇主都會考慮下啦.....
知道自己lighting 的方面有不足,便應努力在當中改進...
加油呀!各位cg 人

由 **supercat7xx** » 20日 2月 2003年, 23:38

DICK MA :你好,雖然我不知各不之前所發表的言論點樣得失他人,不個我應為你是一個有料之人,雖不是很專業,但單看你的作品來說都有一定的准,努力吧!
我很同情你現沒有功作做又無人請,不個從各同好對你的意見來看你還是小發表為妙,雖是你的個人看法但還是像Boaz 這樣說"婉轉"點吧,對你日後工作有所幫助.

由 **HapZungLam** » 21日 2月 2003年, 01:03

I don't know have you ever read 3Dfestival.com's articles, but here is some very well interviews.

http://www.3dfestival.com/story.php?story_id=434
http://www.3dfestival.com/story.php?story_id=441

Your way of life is giving yourself much more pressure. However, at this point, you really need to improve your portfolio.

Know what is your talent, knowing yourself. Target on the specific field and work on it.

由 **Dick Ma** » 21日 2月 2003年, 03:33

其實我好知道自己的strength 同weakness. 系newtek forum 度我都同其他人談及工作的問題.

我現在其實會這樣分析:我既作品路線基本上其實比較偏門..起碼我唔系屬於大路的作品.例如我唔曉得去model一D機械人....mechanism...我唔會去貿貿然去做一個digital beauty...好多野都系"隨心所欲"
我對電影特技冇太大興趣....(因為我既Favourite系劇情片)
另外我數學唔好..唔曉寫 expressions. 我唔會識睇一D shader的tree diagram. 對一D數值的value 我系沒什麼概念(我所指既系數值與大小的關系...例如3這個數字代表大....或者小..).

我唔會太care about 怎樣去將一樣野去做到photo-realistic. 好多人講我的lighting 有問題...我會著重怎樣去做好一個presentable 既visualization,令人有一種趣味性.或者eye catching 既效果....逆轉想法: 一個presentable既visualization已經包含左一D好既因素.

所以如果我有機會去入一間studio既話...我極其量只可以玩下 storyboard 同埋 modeling的process.

大既animation studio未必適合我.因為我唔知點解, 我唔會expect人地會教我些什麼.我會在studio學到D咩野比自己.極其量只系一D technical 既野...對我腦部發展沒幫助.(唔輪到我揀......而家系人地揀我...佢請我我會做...因為宜家睇錢份上...同埋真系去試下studio裡面CPU 既快感)

細既studio我相信會有大既投入感.我喜歡同別人交流,去辯論一樣野的好與壞....

同埋我唔系一個太聽話既人. 我會同我個head會有arguement.依樣野其實對上司來說是好驟忌....

其實咁樣寫真系有倒自己米的感覺.....

後記:
1.今日我學曉點樣煲"花膠燉水鴨"...我諗煲湯同設計差唔多.不同材料會煮出不同味道.
2.追討薪金方面我本來獲得勝訴.但對方以七只沒有意義的字作為上訴理由. 我會寫信去小額complain.
3.本來別人為我接洽工作, 內容如下: 為十五個手袋做modelling ...然後為每一個袋做十五秒的動畫..要十五個ideas. 時間只得兩個禮拜....而client比我既錢只得$10000. 結果我拒絕左了.

由 **Wolf** » 21日 2月 2003年, 07:05

你朋友幫你接的job在時間，酬勞等條件其實相當合理。你推了真可惜呀。以後如果再有這種筍野出現的話，麻煩你把它過給小弟，我會從酬勞裡割一成出來給你老人家煲多幾盅湯補補身。

由 **Siegfried** » 21日 2月 2003年, 09:05

Dick Ma
Forget about your technique first, you've got the fire in your heart, that's already better than none, I support you from my heart, GO!

CG-Forum.com

唔知道可唔可以這樣....

唔知道可唔可以這樣....

Share On:

[閒聊]

Fire

誰在線上