復活中的迪士尼平面動畫- 青蛙公主

[陳根]

據荷裡活記者所載，John Lasseter 同 Ed Catmull 執掌o既迪士尼動畫電影部，將會再次制作平面動畫電影，其實在home on the range 後，迪士尼當時已宣稱不再拍攝平面動畫電影，並已關閉手上最大o既平面動畫制作部，其時突然有大批平面動畫師失業，即時成為行內大事。

今次再制作平面動畫，並已重召老將 John Musker 及 Ron Clements 回巢及實新作 Frog Princess (青蛙公主...直譯)，呢兩位仁兄主理過o既電影包括 小魚仙(The Little Mermaid) ，亞拉丁(Alladin)及大力士(Hercules),。單睇名單都可以見倒兩位經驗之豐富。 與此同時，這兩位仁兄亦有份參與剛出版的小魚仙復刻版 re-mastering o既工作。資料並無顯示青蛙公主的制作計劃何時開始，及何時上演。

青蛙公主的音樂部份，將會交由和迪士尼長期合作的composor，Alan Menken 主理。

以近期一連串收購及人事調動上估計，John Lasseter 在來年將會為迪士尼動畫部做相當程度上的改革，果真一句，等睇好戲。

* 資料來源自 The Hollywood reporter, Softpeida.com 及 Variety。

[pazu]

如果故仔系好, 3d定2d又有咩所謂.

[陳根]

如果故仔系好, 3d定2d又有咩所謂.

當然啦，問題系平面動畫除左系商業元素外，佢都系一種藝術黎，如果有商業市場支持，就唔會成為左小眾玩意，話哂畫倒一手好o既動畫(呢度系指畫倒，用手畫o個只，唔系電腦幫你計哂 inbetween o個只)，並非一時三日之功可以成就，倘若無左市場，發展空間細，搵唔倒食，呢門藝術就好易成為歷史，成為過去，對動畫愛好者及從業者肯定系一門災難及悲劇。