想學動畫

[Sink]

我依家讀緊大學ｃｓ，有少少2d animation 底，(可完成一至三分鍾完整的flash cartoon) lip syn, character design, 配音都ok, 但都系自學，想學ｄ專業ge野， 如果可以我想以動畫師為目標。

讀完CS之後應該點？本來有ｄ想去city或poly讀第二個degree,但無錢，又要做野還loan. 我應該點做？

[Marco]

>我依家讀緊大學ｃｓ

我個人認為如果你有 CS 底, 唔好純粹做一個 Animator, 咁樣只會浪費o左你o既 Technical Background, 但同時你又要同其他 Art 底比較強o既 Artist 競爭。

如果你讀 CS 時系搞 Computer Graphics, Computer Vision, Image Processing 之類o既范疇, 你可以o系行內搵一 d Technical 工種做。本地唔系太多公司有相關o既職位, 你只可以集中搵 d 大 Studio, 行頭窄。值唔值得做 Animation 相關行業, 你可以先做 d 功課先決定。

>有少少2d animation 底，(可完成一至三分鍾完整的flash cartoon) lip
>syn, character design, 配音都ok

如果你有心水o既出路, 最好先搵搵相關工種所需o既 Skill Set, 可能同你心目中o既工作性質有好大出入。

>但都系自學，想學ｄ專業ge野， 如果可以我想以動畫師為目標。

我相信所有好o既動畫師都要靠自學先可以成功, 但最緊要先打好個 Art 底, Technical o野對 Animator o黎講都只系次要。如果 Art Sense 唔夠厚, 做做o下就會變成"勞工", 而唔系 Artist。

>讀完CS之後應該點？本來有ｄ想去city或poly讀第二個degree

報CityU SCM 或 PolyU SD o既 Master Degree 都系一個唔錯o既出路, 其實你仲可以考慮埋 BU, 佢亦都有相關課程。

但小心睇清楚相關課程o既內容, 如果唔系分分鍾會讀錯科...

d 課程可能系 MSc, MA, MFA... 你最好先諗諗你想走邊條路線。

如果真系諗住讀 Master, 其實仲有一個問題要諗清楚... 好多 Master Degree 都系 "即食 Degree", 三十個 Credits 都已經可以畢業。老實講, 唔好期望讀o左會為你帶o黎乜重大突破。如果你本身底子唔錯, 讀o左一定會有幫助, 但我亦見唔少人唔知乜事咁走o左去讀, 都系會唔知乜事咁畢o左業, 之後就唔知乜事咁乜都做唔成。

最緊要先了解自己o系各方面o既能力同潛質, 然後再諗諗除o左 Animator, 會唔會有其他 Production 相關o既工種適合自己。就算系做 Animator, Animator 之間o既工作性質都可以相差好遠。

>但無錢，又要做野還loan. 我應該點做？

如果無錢都要忍忍手先...

但要提醒一點, 讀多個呢類 Degree 唔系一項有可觀回報o既投資。如果系為興趣同理想, 就唔洗考慮太多... 但如果系為前途或者系錢途, 就要三思。

[Sink]

很感謝你的詳細的回覆, 令我多少有點方向,

[ξ]

Macro兄所言甚是!!!

其實我覺得, 讀cs在香港做animator真系會有英雄無用武之地既感覺, 就算有機會比你發揮, 都可能系孤掌難鳴....Macro兄最了解不過了!!!

但你講到再讀書, 如果你真系有興趣讀animation, 倒不如搵d short course讀, instead of搵個兩三年既degree or master囉, at least d short couse第一堂已經叫你打開個software, 你去讀d咩咩degree or master只會由history講起(雖然我都有讀...唉......), final year grad project都可能只系去到講彈彈波丫......哈!!! (誇張左少少...哈!!!)

[Marco]

>Macro兄所言甚是!!!

死仔識你咁耐仲搞錯我個名
一陣我又會聽到有人講 "有一個 Programmer 佢本身系一個 Program, 哈哈哈"

>其實我覺得, 讀cs在香港做animator真系會有英雄無用武之地既感覺,
>就算有機會比你發揮, 都可能系孤掌難鳴....

其實個原因系, 香港大部份人都系做 d 細 Job, 或者 TVC 之類。呢類 Job 時間短, 變動又大, 好難話為o左一個 Job Develop 一只 Software 出o黎搞 Effect。正所謂等你寫得o黎都蚊訓... 寫o左下次又冇用...

就算系電影, 大部份現成 Software 已經滿足到 Production 需要, 而且香港地做一套電影o既時間都短, 根本就冇 R&D o既空間。就算系寫 Tools, 都只會集中寫 d 小工具, MEL 或者 小小Shader 咁, 唔會好似 ILM 玩到咁激, 亦都玩唔起。

當你做呢類工作多時, 會發覺得寫得最多o既系 "if... else" 同 "for loop"... 唔好諗得太多太復雜, 同冇人會明你講乜... 學多樣就多舊魚。萬一遇到有人班門弄斧又講o野大聲時, 繼續訓覺就 ok, 最緊要識o系重要關頭使出吸星大法... 呢 d 就系所謂港式 "R&D"。

>但你講到再讀書, 如果你真系有興趣讀animation,
>倒不如搵d short course讀

最緊要系要有 Art Sense !!! 如果唔系讀乜都冇用...
Animation 唔系學術o野, 學歷系次要。
老實講, 如果 Art Sense 唔好, 勉強入行仲會令自己頭痛, 如果 Art Sense 好, 讀o左一定會令自己個底打得好 d。

>final year grad project都可能只系去到講彈彈波丫......哈!!!
>(誇張左少少...哈!!!)

咁又好少會咁衰... 唔好嚇人啦
但一班同學裡面程度勁參差就多數會, 咁即系大家都系用同一份 Material 上堂, 個結果都系要睇學生本身o既質地好唔好...

[ξ]

不如你改名叫Macro啦, 易記好多!!!

[jacky1987hk]

可唔可以講少少R&D系咩比我聽><
我正系知mel~
mel同R&D有咩分別><

[luxoJr]

讀完CS之後應該點？本來有ｄ想去city或poly讀第二個degree,但無錢，又要做野還loan. 我應該點做？

讀書是一回事, 做野又系另一回事
與其去讀2nd degree, 不如自己的起心肝去學, internet有大量resources, 再唔系去圖書館借本Animator's Survival Kit 去睇, 只要你肯學, 無人可以stop到你
我總覺得學校只系provide 資源同空間 , 唔系有錢比, 讀完就一定識架, 最後咪又系睇自己有幾努力...
所以你真系想達成理想就唔好浪費時間, 動手啦

[luxoJr]

可唔可以講少少R&D系咩比我聽><
我正系知mel~
mel同R&D有咩分別><

R&D = research & development
mel同R&D既分別 = 小巴同運輸業的分別

[Marco]

可唔可以講少少R&D系咩比我聽><
我正系知mel~
mel同R&D有咩分別><

其實o系香港地o既 CG 行業用 R&D 呢個叫法... 我覺得語言上總系叫得太重, 你不如當佢系 Tools Development 會好 d... 只系比一般 Technical Director o既工作 Technical 少少吧...

R&D 起碼有兩個意思, Research 同 Development。當你制作一 d 工具時, 就自然有 Development, 但系... 究竟有幾多 Research 成份就好成疑問。如果同大學或者 ILM 等公司比, 香港o既 CG Research 根本都唔算系乜一回事。

MEL 只系 Maya 裡面俾你寫 Script o既東西, 同系咪 R&D 冇乜關系... 我成日覺得好多人覺得 Programming 就系 R&D, 但我成日都講, Programming 只系一種幾個月就上手o既技能, 並唔包括解決問題o既方法。我地唔系要著重於 Programming, 而系要著重於解決問題o既科學方法。如果無解決問題o既方法, 識幾多種 Programming Language 都只系空殼。

如果要用到 R&D 呢個咁重o既字, 我覺得至少要o系科學角度上產生到新o既技術或者系 Algorithm, 咁會比較易接受吧。至少o系我眼中, 寫條 Script 幫人種樹或者放 Particle, 唔算系 R&D...

[ξ]

R&D要識活用生活CG智慧, 例如識寫個SLG既game去檢討員工既能力同關系等等, 呵~

[Marco]

你會唔會想自己刪 Post 呀, 死仔包 !!!