CG-Forum.com

青年人理財工作坊課程簡介

馬國樑Naveen Ma，動畫師，十年間參與創作了超過一百套電視廣告動畫及多部電影特效製作。幸運地賺到了第一桶金。之後十年專注動畫教育及個人創作。
二十年間嘗試投資基金、股票、買賣樓宇、成立公司。經歷過97金融風暴、03沙士、08金融海嘯。失敗過但從未放棄過，現在擁有4個物業及過百萬基金股票。目標向財務自由之路前進。
希望透過是次工作坊，跟青年人分享自己過去二十年的投資失敗經驗，及正確的理財觀念。

主題：青年人理財工作坊（第二班）
講者：馬國樑Naveen Ma ，
日期：8月31日（星期日）
時間：10am-5pm
地點：旺角青木咖啡店
費用：＄800（包括午餐費用）
名額：20位
對象：22歲以上在職的青少年（適合情侶報讀）
提早報名優惠：在8月15日前報名，可享有9折優惠，只需＄720

https://www.facebook.com/pages/%E9%9D%9 ... e=bookmark

有睇《華爾街狼人》的朋友，都知道Jordan Belfort涉及操縱證券市場及欺詐而裁定罪行，但最後成為一名成功的勵志演講者。他明天會現身香港，舉行「Live in Person」講座，分享他的成功之道

地點: 香港會議展覽中心大會堂
票價都係: $1680、$1480、$1280、$880、$680　咋

哇~~呢度幾時變左 "投資" 講場 ...

BTW , 我真心想睇 《華爾街狼人》個Talk , 但張海報寫 7 月23日 既 ???

大家都是創作人，都知道行業的實況和困境。大家在香港生活，每個人都知道時間就是金錢，香港是錢搵錢的地方；但如何實際應用呢？
我是分享，在專注工作以外，有什麼方法去增值資產，做到用時間賺錢，用錢揾錢。
我做動畫十多年，當時每晚平均只睡4小時。年青的時候還頂得順，但人到中年可以嗎？
我慶幸自己年青時的投資，到現在已經收成了。

如果版主覺得犯規，請移除這個post.

咪係囉，話自己係動畫師開班教人買樓，你唔好話自己係地產商開班教人做動畫，都９唔答８。

有錢洗鬼你教咩，買樓！

Ban咗個廣告佢啦，唔該。

我反而認同Naveen兄的講法，而家呢行賺錢不易，當然亦有人賺到，但點樣將錢保值，就未必人人識。
二十至三十多歳，一定很多東西希望擁有，結果成身咭數，你只要睇下d財務廣告，就知市場有幾大。
（華爾街狠人）當然係好，但閣下英文夠好嗎，英文＋財經，你估你明白多少？可能閣下英文又勁，仲有NBA學位，咁呢個狼人Talk真係超值！
之前Naveen有心想整個創作人Workshop，但現實同理想有很大落差，而家佢想教下人理財，唔係壞事吖，我反而覺得佢有心！
有錢都要有人教㗎，否則輸死未天光呀！

華爾街狠人 票價都係: $1680、$1480、$1280、$880、$680　咋

post 華爾街狠人唔係講我英文有幾勁, 係講華爾街狠人都係收人一千幾百咋!

上次呢條油喺度放租, 打正支旗優惠只限動畫師、設計師及藝術工作者, 又睇唔倒幾優惠喎 , 又咪廣告一則! 又話全創作人工作室, 都唔知係咪叫尐靚仔接佢二判freelance, 如果係咁, 佢開間公司, 租又唔洗畀, mpf都慳返! 當然, 我都係陰謀論! 不過我都係睇唔過眼, 都唔想尐有心想做呢行嘅青年人, 畀尐所謂老行尊, 資深工作者去搵笨. 動畫行業喺香港已然唔掂, 仲要畀呢尐人渾水摸魚, 死得啦!!!

http://www.cgvisual.com/forum/viewtopic.php?f=6&t=13936

多謝keyser Soze 的關心，我仍然在日、夜校教動畫。但除動畫外，投資都是我的專長之一。
如果各位有創業經驗的朋友都知道，營運公司其中一項最大的支出，是薪金及租金。所以我投資在創作人工作室上，一開始便說明不會大幅度加租。我是否存心搵笨，淸者自清。
上過我投資課程的同學都知道，我是教正面思考、如何儲蓄、投資的正確觀念、方向和方法。你的陰謀論與我的投資理念是相違背的（我在課程內，四象限部份已經清楚解釋）。
其實除了「華爾街狼人」之外，還有「華爾街熊人」。世界之大，我還是虛心繼續學習。
成功之路每個人都不一樣，人大了，只是想找些聽眾分享一下。

高興有朋友認同我。

我在cgvisual及Facebook 都是用真名及真實頭像的。
我不會瀝名發表不負責任的言論。

其實我都做左十幾年Cg，堪輿都係我專長之一，
黎緊我都諗住係 CG Visual 賣廣告宣傳我個堪輿演講會，
呢行做得咁辛苦，但付出同回報好多時有很大落差，其實工作環境格局好重要！
所以我想分享下D堪輿心得比年輕人，等佢地順順利利，唔係壞事丫！
世界咁大，唔係淨係得蘇民峰或者麥玲玲既，
到時請大家多多支持！

Ualldumb兄，有本書可以介紹給你看，「品牌萬歲 - 華夏文化的設計詮釋 」。用風水五行去解釋不同品牌的興衰。 頗有趣的一本書，提供了新的角度思考。有時間可否分享、交流一下閣下的觀點。

嘩！好期待呀！
不過唔好將張工作枱玩九宮飛星咁流呀！