今次本人想問一問大家, 在此討論一間公司是否有問題? 只要跟從以下守則, 本人之留言是否不會被刪除?
< C G 工 作 交 流 流 發 文 章 須 知 >
這 裡 主 要 讓 會 員 交 流 有 關 實 際 的 工 作 :
- 包 括 一 些 行 內 的 消 息 , 工 作 上 的 新 作 品
- 工 作 上 的 問 題 或 際 遇 等
------------------ 注意 -----------------------
> 由 於 現 時 在 互 聯 網 上 肯 定 對 方 的 身 份 十 分 困 難 , CGvisual 並 不 能 保 證 任 何 會 員 發 表 資 料 的 真 確 性
> 故 會 員 請 不 要 在 文 章 內 直 接 發 表 公 司 或 有 關 的 人 物 的 名 稱 ,
請 用 一 個 代 名 或 代 號 作 稱 呼 ( 尤 其 是 一 些 較 敏 感 的 題 目 )
事實上, 本人不是要制造混亂, 只是想說出一些工作上的問題及際遇, 就有如此討論區之守則, 本人再次發表較早前被刪除的文章, 但會作出少許收改, 希望貴網站有容人之量...........
大家好, 本人是前 I 公司員工, 見到大家對 I 咁有興趣. 亦因為本人身份比較特別, 就讓本人為大家細訴內裡一切!
首先, 先別論一間公司是否虧損19,600,00, 而且股價是升是跌, 對於大家有志於CG界發展, 又有幾多能力改變? 大家對股市咁有興趣, 不如向股壇發展!!! 得閒在此說三道四, 不如努力提升自己能力好過! 本人到現在都認為 I 老細系一間好好既老細, 試想想, 從來都未有人願意如此投放大量資金做CG, 而且仲比好多機會一群對CG好有興趣及熱誠既人, 如果 I 老細只系一心向錢看, 大有其他行業比現在好, 大家應該為佢加油, 而唔系話佢.......
不過自從 I 起用 K君, E君, Q君, S君(佢地都系同屬一個叫 P.A Department)她們就好大喜功, 自她們加盟 I , 朝政日非......
等本人講下P.A是什麼, I 既 production assistant 系一群唔需要對CG有太多認識, 負責對外為公司爭取更多時間, 再為每個department編時間表, 盡量為每個department爭取最多時間, 為求令到每個animator有最充分時做好公司所委派之工作! 但她們所做的一切剛剛相反...... 對外, 有如黃大仙, 有求必應dreamworks 話乜就乜! 似P.R多過P.A...... 對內就set一d冇可能可以做到既期, 跟住追究責任, 就話系d animator 唔肯同佢地合作, 而佢地就可以完全置身事外, 更對animator呼呼喝喝...... 而且, 佢地應該under每個department head 就有如佢既職稱, 佢地系production assistant, 系協助production, 但系佢地個職權已經遠超佢地應該既范圍, 作為一間production公司, 大家認為邊個department重要?
可能大家覺得本人說話有點自相矛盾, 但本人之前講 I 有幾好, 只是公司老細, 而公司真系每況越下, 只要大家在 I 經歷過由以前七個人既細公司到之前有聲有色,到現在宦官干政....... 本人雖唔系 I 開國功臣, 但都為公司服務了一段時間, 本人亦有點覺得可惜, 以前老細曾經講過唔會從外面聘請任何人出任公司高層, 但系就一而再, 再而三從外面聘請一些口碑麻麻既人, 正所為'前車可鑒'...... 而且到現在除了試過有位CEO因其他公司高薪撬走之外, 其他全部都因某些原因而被辭去, 除左呢個K君既人! 本人夠膽講句, 這個人'人人得而誅之
', 至少 I 內部大家都這樣想...... 本人做過一個非正式既調查, 公司絕大部份人, 只要有同類型公司, 一定會離開公司, 而原因就因為佢, 先勿論呢個人做事是否ok, 只說這一點便足以辭去呢個人, 大家可能覺得本人太武斷, 但公司營運, 有時就如行軍打仗, 一個人令到公司士氣低落, 該當何罪? 大家可能會問, 為何老細對此不閒不問? 因傳閒佢系某人推薦, 所以佢既職位及權力亦有如泰山, 而藉此做成一個'樽頸位', 大部份對老細既事項, 必須經此人, 而此人對老細只報喜不報憂, 且此人亦是位出色戲子, 將所有問題都推落去每個department, 老細自然對佢寵愛有加, 而且她們更自說自話, 一年內自己內部連升幾級, 有部份職位更是從未聽過, 一部份舊人對此亦大為不滿! 最近聽說他們開始'鏟除異己', 好多人敢怒而不敢言.....
事實上, 從事CG 2D或3D行業, 真的很需要大家個股熱誠, 因為呢行絕對同其他行業唔同, 要好要靚就一定要有個心! 亦是現在 I 最欠缺...... 以前每個員工都很樂意為公司O.T., O.NIGHT( I 做通宵既意思)盡力為公司, 但現在呢?! 大家開始只視此為一份普通工作, 冇曬初入行既熱誠! 不過 I 既技術在香港真系數一數二, 如果有機會, 雖然 I 內真的一圃糟, 不是一間長期逗留既好公司, 但不失為一個唔錯既起步踏腳石!
本人好想問下, 究竟 I 老細覺得以前開心定系現在開心? 本人就認為以前開心好多! 好多員工都話, 以前就算幾辛苦, 都系值得......
以上內容是帶大家探討香港CG界的行內消息, 及有關實際的工作情況, 亦沒有直接發表公司或有關人物的名稱, 而轉用代號作稱呼, 希望不會再被刞去, 謝謝!
!!
