[討論] Kung Fu Hustle《 功 夫 》

[ZU]

[ 請在此區發表 < 功 夫 > 觀後討論 ]

[CraZ3D]

頭先去左睇"功夫" 首影 , 反應好好 , 觀眾由頭笑到完, 全片又無廁所位 . 仲有幾個全場拍手位,

哇 ! 我講到好似賣廣告咁 ,,, 不過真系幾正麻 , 不得不佩服星爺搵到班咁"近"的配角們 .

元秋 , 漲爆好搶 ... 不過我最喜歡麻....都系"火雲邪神-梁小龍"


CG 方面 ...... 好睇過"少足" , 不過有幾場太誇了 , 相信點樣comp都唔會真 ,
魔琴一戰我最為喜歡 , 不竟呢類無中生有的 CG 會發揮得較傳神 , 都很有意境.
其他 飛斧頭 , 飛刀飛劍, 飛沙走石等都處理得好啦 ,,, 但有 d stunt 都系唔夾...


...... 講番故仔.. 都系唔講住...

場內送左d禮品 , 其中有 "Milk" 178 期附送的 "功夫" 特刊 , 當中都有 part 講CG特技 ,
可以一睇...

[kl12]

連你都講到好睇既話，我諗我都要去感受一下聖誕節睇下這套搞笑片先得，因為最近都唔太開心，希望可以比我無限歡樂啦....

[陳根]

剛剛睇完，實在太正啦，kl12 ，雖然套戲有笑位，但唔可以算系搞笑片黎喎，絕對系一套功夫片黎，百份之二百值得一睇....再睇。

[CraZ3D]

根叔 你今次會重睇幾多次 ? 上次"少足"你好似睇左好多次喎.....

你覺得最正系乜 ?

[陳根]

我唔系乜乜大師，所以只可以憑個人感覺講，剪接位捉得相當准 ( 好利害 :O )，故事鋪排比少足更有心思，人物性格刻畫細致，細節位(即系d 電影符號)睇倒經過周詳設計，用左唔少 indirect o既鏡頭(即系用人物周圍o既發生緊o既事物或者用空鏡) 去營造氣氛同交待劇情，唔似得有d 戲o既劇情要用VO 講出黎，當然出色o既特技亦系功不可抹啦，最令我欣賞o既，系d 特技真系要黎enhance 個故事，而唔系為左要有特技而去加特技。

我估..如果有飛(我意思系自己買o個種)，我會睇多一次...起碼。

[陳根]

大家可能睇到一頭霧水，但為左唔想講d 劇情出黎，唯有系咁啦。

[Maya初仔]

好想快些有得睇啊~但預購一周都沒有票.......

[HONG KONGer]

今日買左票, 25號先有得睇! 好心急!!

不過頭先在某新聞組看到好多人話套片好唔惦. 話劇情差, 特技誇

[Maya初仔]

今日買左票, 25號先有得睇! 好心急!!

不過頭先在某新聞組看到好多人話套片好唔惦. 話劇情差, 特技誇

正所謂"人o地話~~"最重要系自己覺得掂o米得o羅!!我多年前就系"人o地話喋血雙雄唔掂,攪到我租碟睇後,勁後悔沒有於戲院睇......."

[HONG KONGer]

我都希望系正片喇!

[S'tephen]

今日買左票, 25號先有得睇! 好心急!!

不過頭先在某新聞組看到好多人話套片好唔惦. 話劇情差, 特技誇

23號睇2點鍾場! 可能太早，未滿坐，好多位!

之如劇情, 無"少足"咁勵志，
而且我感覺上覺得不太合聖誕節氣氛看！
因為講黑社會種種打打殺殺，如果作為一套應節的電影，就系唔系好唔惦囉！

[cgworker]

"應節的電影"? 你應該去睇polar express .

明顯 功夫 唔系為聖誕節做 ( 原本都唔系安排聖誕上 .) ,

唔好話我知..你入場前以為"功夫"講聖誕節文藝片喎~
無理由睇完先講呢d野!

[S'tephen]

"應節的電影"? 你應該去睇polar express .

明顯 功夫 唔系為聖誕節做 ( 原本都唔系安排聖誕上 .) ,

唔好話我知..你入場前以為"功夫"講聖誕節文藝片喎~
無理由睇完先講呢d野!

恐仿你誤解了! 我系喜歡功夫一片，
我只是想推論一下，阿HONG KONGer 話某新聞組中某些人的睇法！所以總而言應該系～ 我睇完了，無理由咁快講劇情同其他其他，咁咪講住ｅd野先囉！

冷靜ｄ！

[HONG KONGer]

等左三年！終於睇左喇！

CG做得好好，像真度好高，又能夠貼切地表達故事！

比起少足，功夫既ｃｇ數量較多，難度也更高，好似話難５倍喎．

但比起Matrix，唔知點解硬系覺得Matrix好好多！Neo對１００個Smith好過星爺對好多個斧頭幫．可能投資冇咁多掛．．．

配樂放面，只屬一般．因為多數是拉二胡等古老中國音樂．

配音就幾好，拳拳到肉．

我覺得個”包租婆”演得好好！希望佢可以得”最佳女配角”獎啦！

最後，想對先濤表示無限敬意．繼續努力實現香港成為”東方荷裡活”既夢想！