手繪問題...

[alien725]

想請問咁多位前輩,
一般你地做CG 之前都好似有手繪,初稿...
我見有好多都畫得好靚,上色方面又好好...
不論用手 or 電腦...
但系我想問下, 你地有冇讀過d 咩繪畫班,油畫班果d ga?

[moc]

喂....兄弟
無人答你...等我充撐嚇...

呢個確實系幾迷惑的問題....
其實..摸耐咗..你就會發覺有定無都無緊要...
最重要系你一定要有熱情.....
keep住成日綀習......
咁.....根本你可以自己買書都可以....
當然有人指導下會快一點....
(其實我發覺所謂識畫...大部份都系無師自通)...自己個腦根本就經己有概念......點表達個事物...
最簡單的入門自學方式咪....試下合埋眼.....想像嚇個事物的形象...顏色咯...
(有點似鋉金術...!!)..先有個概念先.....主要是它的光與影.......然後....不要一步登天.......一開始好粗略地..快手地畫個形體......再慢慢細執.......到進階時..你發覺...經己可以一開始就仔細地畫了....
至於顏色又是另一回事了.....
我充撐咋....各高手唔好柴我台呀.....

[S'tephen]

假設你有一手繪畫的技倆! 如moc 咁介紹的練習方法。
下一步深入的，是練繪畫的經驗，試下“默畫”。

“默畫”是不看實物，把想畫的物件畫出來！
例如：畫一架的士出來看。的士，我相信無人未見過呢？
要空腦子畫，可有難度，目的是測量自己，腦的記憶力有多強！
（我自己本身系咁樣迫自己，日後對白手畫有很大的幫助）

會考的掃描科，是練手腕，也練記憶力。

這樣，會使腦部圖像的記憶力增強，對日後手繪有很大的影響！
主要是練“手中無畫，心中有畫”的境界，

當腦海諗到圖像，或腦懂產生圖像的作用，這時加上滿技倆的手，就是主筆了！
日日畫ｄ簡單的公仔！例如：qoo仔，進一步加強腦部圖像的生產力！



各高手唔好柴我台呀..... 　 +1
　

[gar_28]

呵呵,講開畫畫,我又系好中意畫畫,不過絕唔系大師,仍在自學中^^。搭訕0下先。

以前有個老師教過一個幾好0既方法,如果你自問素描唔強,畫乜唔似乜的話,(因為素描系基礎,做得好對畫其他0野都會有好大幫助。) 系你畫畫0既時侯,比如畫一個人像咁啦,唔好將對像睇成一個人,你可以張佢睇成系一堆直線,曲線或幾何圖型
0既混合,然後慢慢模枋呢d線條0既走勢,你就會比較容易畫得似你想畫0既0野了,因為人物系一件復雜0既物體,而線條就相對簡單得多了,但折開復雜0既人物,其實都系由簡單0既線條所組成的,所以用呢個方法,就算本身唔識畫0野0既人都可以畫到似樣0既素描,當然慢慢熟習多了,你就可以撐握到人物事物0既比例。

希望你明白我0既意思&幫到你啦 ,大家多多指教。

[darkie]

畫多d

[web_sdas]

十分好的方法!!
此乃blind drawing的技巧,
是繪畫的基礎.

[wang]

正~ 學到唔少野
我都想畫好d 我d畫得 幼兒班程度

[大國軍犬]

我阿sir教我:
操多d,其次同時要多d注意觀察~~

[S'tephen]

到 pc 畫，要多留意 layer 的關系，網上好多參考，多睇多學！

轉載: [１],[２],[３]

　

[alien725]

thank you 噢...
原來系咁ge~
真系要俾心機lu

[peterip]

我唔系咩高手，但講真畫畫真系靠自己，練多d就得