新人發言與請教

[FantasyFCS]

其實小弟做左CD-ROM幾個星期 ga la,
其實我本來都好似依度某位板友咁對依一行充滿幻想.
不過最近見到大家的討論好似愈來愈灰,
我自己都開始懷疑緊自己應唔應該入CG/Animation依一行.
所以忍唔住想請教下大家,

或者我講番少少自己background先la.
可能個post 長少少,
不過想大家明白我個situation,請見諒m(_ _)m..

小兄弟其實一路都好有興趣畫野同做Flash動畫,
但系由於家教問題,
屋企都好focus 系學業成績方面,
雖然間中都有做下Flash ge toy level動畫,
但系,一直都無咩時間專心放好多時間落去.

本來上大學果時好有興趣入City Creative Media 了解多d依一行ge野,
不過由於種種壓力放棄左,

依家入左某間出名workload大ge 大學讀計工,
換言之,更加無曬時間做CG同動畫.

但系自己始終都系想入3D/動畫一行做下,
所以今年特登出左去做placement,
因為唔駛考試同做功課,
可以一邊part time讀Multimedia Design 的diploma.
希望可以一邊enhance 自己個Portfolio,
一邊了解多d依一行系點樣.

之旦系d Tutor 都好強調依一行唔系咁好,
講到依一行好似系d低技術勞工咁...
叫我乖乖地做番自己本行好過..

之後開始多左周圍搵資料,
好難得搵到依一度又系HK,又系focus CG ge forum
用左好耐時間一個post 一個post 咁睇番,

之旦系...
見到你地好多post 都系講d公司點衰點低人工...

講真,自己真系開始有d退縮...

其實依一度咁多前輩,
有無人有過我類似ge煩惱?可唔可以分享下?

或者有無其他人可以俾d意見我分析下,

謝! m(_ _)m

[EricLo]

這個forum的確是有很多業內人士會上來觀摩下，比下少少意見，但業余人士的

時間往往比業內人多少少留連此forum，所以經常會有人問，這行人工點?辛唔

辛苦?之類的問題，一有這種問題時就有一班業內人士說苦了，我好明白他們的

處境，但情況並不是這班說苦的同行講得這樣偏面，只不過其他同行真系唔想花

咁多打字時間去討論，至會有好似有一面倒的業界黑幕出現。


其實每行都會有好壞，但行行都會出狀元。有心入行就唔好灰心。在這行做得好

唔好除了實力，機會及工作環境的配合都好重要，一間唔好唔代表全行唔好。好

似追女仔咁，唔通之前女友對你唔好，就話全港好女仔都一樣咁差??你肯堅持到

最後，贏果個一定系你!!我講的堅持唔系明知道這處唔合你的都要死要留底果種

，以是要堅持希望和信諗。自己好好想下應唔應該出心出力入行啦。唔好比人

講幾下就灰心呢，努力呀讀書人。

ericlo - hope to 2006

[陳根]

其實小弟做左CD-ROM幾........
或者有無其他人可以俾d意見我分析下,

謝! m(_ _)m

其實...我以前都系咁諗，想做animation 想做motion graphics，後黎，我都做左好多年囉，到家下...可能化左，我宜家並唔系直接做緊動畫，只系相關o既工作，可能兩個月都無set 過一個keyframe，響好多人心中，咁已經唔系一個動畫人啦，我但依然開心，因為我o既興趣已經唔再系我工作o既一部份啦。我好鍾意畫亦好鍾意制作動畫，我畫o既時候，唔再須要被客quz，想點畫都得，只要keep 住要自己有一定程度上o既進步就已經好開心啦。

你鍾意畫flash 動畫，就去畫囉，當興趣跟搵飯食混埋響一齊，多少會變質，我見過有人由鍾意做動畫，變成討厭佢。如果你能夠放低一個概念-"我學親都要學d 搵倒食o既"，你就會清醒d架啦。

有d 野無得強求，機會黎到就黎到，無得夾硬黎。只要有心等待，有力做足准備，實可以如願以嘗o既，我信天生我才必有用，互勉之。

[luxoJr]

根兄所言甚是

學習和工作本是不同, 有興趣(學習)畫動畫和入行做動畫師是兩件事, 所要考慮的事也不同.

坦白講, 動畫師所需要的專業知識很多, 但不如醫生,工程師等擁有專業地位. 而且動畫師工作時間長, 工資低. 不是人人都可以接受.

但近年創意教育成為一窩蜂的賺錢工具, 差不多所有學院都開辦有關課程, 極力描述創意工業成為一個美麗新世界, 使近年動畫學生人數激增.

由於香港的動畫行業不太興旺, 較有規模的只有數間, 其他都是蚊型公司, 主要以低成本作招徠, 強調平靚正, 以廿四小時便利店的形式經營制作公司. 加上cg美夢破滅, 公司又推出日新月異的縮數計劃, 令一群充滿熱誠與毅力的動畫師們無名火起, 不禁破口大罵. 這也是無可厚非.

但這又不能蓋棺論定, 說成做cg無前途......前途好唔好, 就要睇你有無實力, 再加上機會和運氣, 也可以有成功的一天! (但以現階段來說, 這只屬於一少撮人)

[S'tephen]

　

我的源頭不是一個充滿幻想的腦，而是一個充滿壓力的腦
我是功課壓力大，想逃避，才會某一段時間花好大精神去討論。

我是天生到現在，只知道自己無其他方面的才干。向前行，永無其他的方向走。
當試下，我假設自己是FantasyFCS，我諗不會因為興趣，就投奔動畫的行業裡！
但我相信每一行都有創意的工作，任何一間公司都需要設計，去加強它的公司形象，讓人認識！

重點是“溝通”，diploma Multimedia Design 是教懂人用多一個方法表達。
“動畫”只是一個媒介。接續會學flash，movie edit，sound。表達訊息的方法越來越多。

但有一個毛病是要根治，一個動畫師唔能夠因為好叻畫野，但不會同人溝通的。
“一個不懂得溝通的動畫師，只會習慣畫一些不善向人表達訊息的動畫。”

用這個句子查證自己，你是一個什麼樣的動畫師：

一個會懂flash軟件(other software)的動畫師。

一個懂溝通，會表達訊息的動畫師

動畫師都必須有兩者的要素。

[S'tephen]

　
我的源頭不是一個充滿幻想的腦，而是一個充滿壓力的腦
我是功課壓力大，想逃避，才會某一段時間花好大精神去討論。

各位大佬，香港人系無幻想ga，我也不是特別有幻想個o個。
只是有壓力，知道痛，才會懂得問人：我自己應該點救救自己。
一個人自己心痛，因而打擊別人的自信，是永遠救不到自己的。

給我想他知道的CD-ROM們！

[anymator]

各位大佬，香港人系無幻想ga，我也不是特別有幻想個o個。
只是有壓力，知道痛，才會懂得問人：我自己應該點救救自己。
一個人自己心痛，因而打擊別人的自信，是永遠救不到自己的。

給我想他知道的CD-ROM們！

你去到邊，我就陪你討論到去邊。

香港人無幻想? 你憑咩代表六百萬人講呢句說話 ? 每個星期開六合彩前o既投注，唔系幻想自己會中獎會發達先去買o既咩 ? 你今秒鍾唔知下一秒鍾會發生咩，想計劃一下將來，想交下一個assignment，唔系靠幻想，靠咩 ? 時光機 ? 香港有今日o既成就，唔系憑幻想同努力，會有今日成就 ? 每個行業每個努力奮斗o既香港人，都響度不斷運用緊各自o既經驗，幻想，創造能力，分析能力等等去滿足自己o既生活，去實現自己o既理想(唔理系抽象o既定系現實o既)，你一句說話就將六百萬人進落一個無底深谷 ? 再一次，你算老幾 ?

你再自以為是地speak for global ，只會招致更大打擊。

仲有，有料到o既人，系唔會咁易比人打擊倒o既，自以為有料到o既就唔敢包啦。

CD-ROM 們應該清楚收倒，你唔講尤自可，講完先系你煩惱o既開始，留心自己o既說話呀，小朋友。

後補。我自問亦無資格代表六百萬香港人講野，只系我覺得講野要fair d ，一出又系二分法，下下一竹桿打哂一船人，想殺死人咩，唔得架嘛。就算讀過multimedia 又好，讀過Highdip 都好，學左但學唔識點溝通，比你識埋flash 同多幾種表達訊息o既方法都好，都要對其他人公平d 嘛。

[S'tephen]

welcome la

你有讀個科cg art ，我選左，你是做焗面包機械人個那位先輩嗎？
有師兄睇住我，多謝也來不切，但請你不要影響其他人吧！

icq I have! please use icq

[FantasyFCS]

多謝上面幾位大大抽空回應m(_ _)m,
我都明白堅持希望和信諗依一點,

只不過現在有點魚與熊掌,
我將是支持屋企收入的一人.
現在做工程師的薪金不算差,
現在做placement已比之前有人所說的animator($3000~$6000)薪金高了...
如果將來做工程的話雖不致會致富,
但活口還是有信心的.
而且我對工程也不算討厭.

但是自己的興趣就是CG動畫
(其實我也不知道是否因為之前屋企唔俾做而偏想去做的心態)
如果單是為自己的興趣轉行好像太自私了...
如果自己是"一支公"做什麼只是對自己負責又不同說法了..

我想這問題應該不會只有我一個人有過,
所以想在此請教.
(要請教的其實可能超越了CG就業的問題了...而是人生經驗問題)

但系其實我自己都系傾向試下入行,
只不過最系入行之前有多d心理准備,
同埋參考多d前輩ge經驗同感想.

anyway,距離我要作決定的時間還有一年多,
我會再利用這一些時間好好想想,多謝大大的意見.

其實我仲想問各位大大,
其實有d咩channel 可以了解多一些這一行?
因為3D/動畫依一行對我來說
好似一個black box 咁,自己都唔系好了解.

另外,想回應少少S'tephen大大,
其實,"香港人系無幻想"依樣野,我都唔系太認同,
其實大大看我的網名都知道我其實是一個幻想族,喜歡天馬行空,
喜愛對一些自己未有認識的事物自我想像一番.
對未知充滿好奇.
我不知道這算不算stephen大大所說的幻想.
但大大斷言"香港人系無幻想"似乎在點太過了.

[noomo]

FantasyFCS:以下有小小建議，如果你將來要負擔家計，我建議你還是留在現時你所讀的科目上發展。至於你所喜愛的 CG，其實並非與你所讀的全無關系。在CG行業中需要不同背景的人材。有美工、有電腦工程、有策劃，所以你現時所讀的並非無用武之地。你所讀的科目如果可以為你帶來穩定的收入，這樣你將來更能有基礎發展你的興趣。

香港在訓練動畫師的課程很多，主要集中在 animator 上的訓練。但在 R&D，工程上的訓練就比較小。幸好最近科大出了位奇才設計了一個水墨動畫軟件，才叫人注視這方面在港發展的可能性。

近年，甚至將來香港的動畫師的入息不會有太大的增幅。只要看看每年各院校有關課程的畢業生人數，和每年香港CG行的新增職位就知。而香港的CG市場來來去去都是廣告為主，游戲和電影對香港CG市場來說不算大。所以可想而知在供求下，在港從事CG是困難重重，倒不如作為興趣，發展空間會更大，更不受市場所限。[/code]

[yo~]

我完全支持香港人無幻想呵.
大家睇o下呢排d大粒佬點串d 124游行活動.
就知佢地點睇死你班友對自由民主完全唔敢幻想過.
但系都期恃下屆香港搞的東亞運動會,
睇下會唔會設計50只吉詳物出來,o甘又可以撈一大筆$ 來建設繁榮社會.

至於cg行做唔做得過,我覺得越細個入行越有利.

[h2o]

至於cg行做唔做得過,我覺得越細個入行越有利.

咁即系童工 ..... 但系都要思想成熟, 雖然"後生可畏", 不過唔等於"童言無忌", 始終呢行都系 team work


回 FantasyFCS: 我覺得你應該囉左工程師專業資格先, 始終都系"穩震"野. 做 animator 做得好又未必高人工, 高人工又唔等於做得好 (請不要對號入座 )

而且香港真系地方細, 來來去去得幾間公司, 工資真系同外國差d......

[Vantage]

FantasyFCS, 以下是我個人的親身經歷, 你可以作為參考

我中五的時候已經喜歡cg, 記得買第一部電腦的時候已經急不及待試玩3dmax, 當時我真的很想很想長大時造的工作可以關於cg. 到我讀完大學之後, 我應征香港某一動畫公司, 當時屋企極力反對, 事實因為屋企父母已退休, 家庭經濟只有靠我姐姐. 我也掙扎了很久, 但最後還是選擇在那公司造初級動畫師(當時還是早期,公司還不是請trainee的)

當初入到公司時說真的, 我真的不介意人工的高低, 心只是想著可以做到自己喜歡的工作, 已經十分幸福了, 而且身邊個個對3d到有番咁上下的功力, 當時我真的工作得好開心, 由其是3d技術不斷的進步, 在朋友面前說我造動畫時他們都很羨慕我

但日子不斷地過, 我漸漸發現我身邊的大學同學的人工與我相距愈來愈遠, 我發現我的當我的人工還完大學分期債項 (grant loan)和伙食費後, 已沒錢來給家用給父母, 這時我覺得生在香港根本"興趣系唔可以當飯食的"! 我可以為興趣而捱餓, 但我因為興趣而連家人也養不起. 因此, 在工作一年之後我放棄了在那裡工作, 因為我知道有時候我的決定不單影響我, 也會影響到其他人, 我追求的夢想時不單我要付出,我家人也要為我付出的.

現在我造回我大學相關科目的工作, 但我並沒有放棄我興趣, 我依然繼續學cg, 替別人做 freelance, 去下外國forum學下野, 我從沒離棄它, 我也希望你明白, 如果你是熱愛cg的話, 你不需要理會動畫一行是否很好, 也不需要理會動畫公司黑不黑暗, 但如果你有其他人要顧及的話, 我建議你三思.

不過無論結果如何, 希望你仍然喜愛cg

[FantasyFCS]

re: h2o大大,
當前我都會先完成學位,
不過正考慮會否讀master,
因為屋企人都好想我可以讀上去.

可能會讀有關Multimedia Application ge野
再利用讀master的時間再考慮清楚我應該點做好..

Re: Vantage

我可以為興趣而捱餓, 但我因為興趣而連家人也養不起. 因此, 在工作一年之後我放棄了在那裡工作, 因為我知道有時候我的決定不單影響我, 也會影響到其他人, 我追求的夢想時不單我要付出,我家人也要為我付出的.

大大的經歷很值得我參考呢...
這正正是我所擔心的...

我家人都反對我入行
而且我還有一個讀書不成的妹妹要照顧...
壓力真的很大呢...

[風]

FantasyFCS

dear：FantasyFCS

好開心聽有人仲有咁熱誠，但你真系要諗清楚，因為做animator真系搵錢唔多(由其系HK)，做得黎行既人大部份都真系熱愛3D，所以就算經常都要做到日夜不分，但好多人都做得好開心。我系黎一行做左差唔多兩年幾，曾經有一位好出色既前輩講過，想發達就唔好做黎行。不過我覺得你真系可以慢慢黎，其實“noomo”講得好巖，因為做ANIMATOR真系唔止要識3D既知識，你而家可以從你既工作學多d，如果你將來真系轉做animator，我相信你黎份工所學既知識對你第日做animator一定會有幫助，所以唔好咁心急&咁煩惱!!!!如果你而家既收入ok既，我勸你就真系要諗清楚，始終興趣同現實真無件事黎架!!!