第二日o既 Animation Camp 比第一日更令人拍案叫絕,T1 部份o既character design 由Ricky Vega Nierva 主講,佢響幾個小時內好生動咁介紹左Pixar Animation Studio o既內部,有好多圖片,當然佢自己對Pixar o既愛慕之情已經溢於言表啦,直頭系恩同再造,再生父母咁上下,聽到我都有少少眼濕濕,眼濕唔系因為佢講得感人,而系因為成個朝早o既workshop,佢只系輕輕帶過有關Character design o個部份,令人感到哭笑不得咁上下。
下晝由Rob Gibbs o既story workshop 都幾富娛樂性,佢o既pitching skill 的確到家到肉,大家都睇得相當開心,但根據個課程系應該咁o既 :
Workshop: Story
Objectives: To introduce, discuss, study and exercise the basic skills involved in the story design and the effect that has on the overall story for any type of animation
Format: Lecture and exercises
Target participants: Experienced animation developers
Outline:
The importance of well developed story
Silhouette value
Components of story (exposition, insighting incident, conflict, crisis/climax, and resolution)
Staging for storyboards
Making clear storyboard drawings
Visual clues, how to put them together
The seven steps to better story
老實講,全部有deliver 到,可惜比例上,教畫storyboard 占左八九成時間,實際無點教倒你寫同諗故仔,個人覺得問題不大o既,不過如果將 workshop 名改成storyboard drawing and pitching skill workshop 就會更貼題啦。(我明白呢個只系幾小時o既workshop,無可能將半年至一年o既story development o既內容質哂落去,呢點大家都好清楚)
相信主辦單位其實都深明香港動畫業o既不足,所以先搞 d 有關 story ,character designer 同feature animation o既workshop o既,而唔搞advance Pixar character modeling 同in depth of texture mapping from Pixar,呢點足見搞手有其真知卓見,並非坊間混水摸魚之輩。在下亦見各職員都能各施其職,各盡其責,除了講者方面不受控制外,其他安排還是有條不紊,惟即時傳譯員房間隔音措施尚有改善空間。
總括來說,主辦機構響件事上面o既眼光同努力,系絕對值得大家去嘉許o既。