2000 Siggraph
[stream]http://www.siggraph.org/publications/video-review/sig2000/136/avi/24.avi[/stream]
Movie
[stream]http://sb.tsutaya.co.jp/WM/official/tekkon/trailer1_500k.asx[/stream]
視覺效果確實悅目，兩個外來細路想趕走黑白，結果比小白引左去鍾樓，"五點"o既效果相當奪目精彩。觀乎整個追逐過程，同時都差唔多帶勻哂你游覽寶城o既外貌。到左殺手同兩只貓o既空戰令觀眾有飛左上天，失去平衡o既感覺，好正。故事要到中段三大殺手出場先叫d "逼力"出番黎，不過反而最尾兩位殺手去到游樂場o個陣，就好似只系靠用武器黎對付小黑，先前o既超強能力好似無左咁。響漫畫第三集尾段小黑同小白之間o既心靈感應一幕，相信系最難處理o既一幕，Michael Arias 都似乎舉重若輕咁做到，果然系高手。始終，要將惡童三集濃縮成一個鍾頭多dd o既電影並唔系易事， Anthony Weintraub 亦寫倒原著o既感覺，只系唔系好明點解要將個脫衣舞場幾成兒童游樂場。順帶一提，記著留心木村離開屋企獨自赴約一幕，佢行經o既走廊有香港舊樓先有o既"咁多"電表， Michael Arias 話黎過幾次香港取景，你會發覺片中唔少地方都有香港o既影子，有部份仲有香港六七十年代o既feel。
Q&A 有人問...(o個個應該系Menford o既Eddie) 問 Michael Arias 最難做系邊場戲，Michael Arias 答系最尾o個場，因為佢唔鍾意原著，反而想有自己o既演繹，於是拖著唔做，直至唔拍唔得先做最尾o個幕，呢點幾有趣。
總括黎講，戲，值得一睇，碟，一定要買。
