動畫發展的大問題

[andydee]

我好想知道動畫發展問題,希望各位可以幫小弟找出問題.希望你們可以回答以下問題.thank you.

請你說出自己行業( 舉例:業界人士彧學生):

1.動畫教育是否對業界展開有影響？
2.市場問題是否同動畫教育有關？
3.你覺得市場上3d動畫可否取代傳統2d動畫？
4.你覺得市場上對故事設計及創作是否忽略？
5.你覺得故事設計及創作是否對市場有用？
6.你覺得市場上動畫公司可以用什麼形式發展？
7.你覺得用什麼形式發展才對香港有利？
8.點解香港動畫公司用外國成名卡通人物/卡通片，發展動畫事業？例如：（隱 xx）
9.點解香港動畫公司不創作自己品牌卡通人物/卡通片及電影？
10.點解香港動畫公司創作自己品牌動畫電影會失敗？如：（龍xxx）
11.香港是否欠缺什麼特色元素發展動畫？
12.香港動畫業怎樣走出世界？
13.點解香港動畫業發展不起？
14.香港政府如何幫助動畫業發展？提出你的見意！
15.你覺得動畫公司如何改善有關問題?
16.市場問題是否同動畫教育有關？

[Marco]

請你說出自己行業( 舉例:業界人士彧學生):
CG 業界人士 (唔系 Animator)

1.動畫教育是否對業界展開有影響？
你問乜?

2.市場問題是否同動畫教育有關？
無關

3.你覺得市場上3d動畫可否取代傳統2d動畫？
3D 動畫o既出現對 2D 動畫有好大影響, 但不等如可以取代。
我唔理動畫系 3D 定 2D, 好睇就系好動畫。
大家睇得最多o既日本動畫, 唔系好多 2D 咩?
我只可以話, 3D 工具o既出現對動畫o既生產帶來好多方便。

4.你覺得市場上對故事設計及創作是否忽略？
用忽略呢個字唔多o巖, 我會用"有改善空間"o黎形容。
(故事唔系動畫界o既工作范圍, 寫Script系編劇o既工作。)

(講開故事創作, 我想 liu 一個老問題出o黎講, 一個好o既編劇, 要有文學、心理學、歷史、藝術、美學、哲學等修養, 唔好空談創意! 如果唔系包你十幾人圍埋一張台諗爆頭都生唔到舊義燒出o黎, 有時留一個空間俾一兩個高手有個人思考仲好。故事系一個好精密o既設計, 唔好一人一句, 搞個燒味拼盤出o黎, 如果唔系包你個動畫冇運行。)

5.你覺得故事設計及創作是否對市場有用？
你會唔會想睇一套故事好弱o既電影?
咁你話有冇用?

6.你覺得市場上動畫是用什麼形式發展？
唔太明你問乜...

7.你覺得用什麼形式發展才對香港有利？
我唔知, 我只知我眼前個 Mon 裡面o既事。

8.點解香港動畫公司用外國成名卡通人物/卡通片，發展動畫事業？例如：（隱 xx）
我唔系 X 記o既人, 答你唔到。
我諗主要系想減低出錯o既風險。

9.點解香港動畫公司不創作自己品牌卡通人物/卡通片及電影？
要殺出一個新品牌唔易 ga。
香港只豬咪系自己品牌 lor...

10.點解香港動畫公司創作自己品牌動畫電影會失敗？如：（龍xxx）
香港都有只豬好成功, 我覺得失唔失敗都系個別事件。

11.香港是否欠缺什麼特色元素發展動畫？
香港有好多唔同o既動畫公司, 用一個"香港區"o黎講冇乜意義。
不過我系覺得港式動畫系少o左 d 世界性o既幽默感o既, 唔好成日玩"屎尿屁"。

12.香港動畫業怎樣走出世界？
接外國 Job, 同外國公司合作。
生意系無國界... 只要香港公司有吸引力。

13.點解香港動畫業發展不起？
我唔想用發展唔起o黎形容, 香港唔系有好多動畫作品咩?

14.香港政府如何幫助動畫業發展？提出你的見意！
或者俾 d 方便香港公司同外國公司合作啦。我冇資格答呢個問題。

15.你覺得市場如何改善有關問題?
乜問題?

16.市場問題是否同動畫教育有關？
冇乜直接致命關系。

[fellini]

答得妙

[h2o]

請你說出自己行業:
業界人士 & 學生 (本人信奉終生學習)

1.動畫教育是否對業界展開有影響？
系咪指"發展"? 某程度上都系相輔相成

2.市場問題是否同動畫教育有關？
如果市場上冇人讀動畫, 動畫教育攪唔成, 都叫有關既

3.你覺得市場上3d動畫可否取代傳統2d動畫？
3d 動畫的確系主流, 但唔會取代 2d

4.你覺得市場上對故事設計及創作是否忽略？
市場系指"教育"定"制作"? 應該話系香港觀眾都唔理劇本好壞, 系睇明星所導致

5.你覺得故事設計及創作是否對市場有用？
對香港市場冇用, 外國市場有用

6.你覺得市場上動畫公司可以用什麼形式發展？
.... 唔明

7.你覺得用什麼形式發展才對香港有利？
.... 唔明

8.點解香港動畫公司用外國成名卡通人物/卡通片，發展動畫事業？例如：（隱 xx）
有收入既保證

9.點解香港動畫公司不創作自己品牌卡通人物/卡通片及電影？
有好多原因.... 市場, 銷售....

10.點解香港動畫公司創作自己品牌動畫電影會失敗？如：（龍xxx）
都系有好多原因.... 市場, 銷售....

11.香港是否欠缺什麼特色元素發展動畫？
有香港特色, 未必可以發展外國市場, 只做香港市場, 收入又唔多, 兩難局面

12.香港動畫業怎樣走出世界？
運氣 + 實力

13.點解香港動畫業發展不起？
點先叫"起", 依家香港系亞洲區都算唔錯

14.香港政府如何幫助動畫業發展？提出你的見意！
攪工會

15.你覺得動畫公司如何改善有關問題?
咩問題?

16.市場問題是否同動畫教育有關？
同第二條一樣既.....