Apple Daily:
古仔同大 S繼合拍《大內密探靈靈狗》後,將會再結片緣合演迪士尼投資近 4,000萬嘅新片《魔法小葫蘆》,令人揣測會唔會系古仔向片商推薦緋聞女友大 S做主角,相信到時佢地嘅緋聞又會傳到熱烘烘。
其實《魔》片系改編自中國著名兒童文學家張天翼嘅童話《寶葫蘆的秘密》,早喺 07年已經拍成電影,當時梁詠琪仲有份演出,今次古仔就會伙拍大 S同蔡卓妍合拍《魔》片,主要系針對東南亞市場,電影預計喺明年 4月開拍,並會由梁柏堅執導。
因為迪士尼一向要求嚴謹,所以眾人事前都簽咗保密協議,唔會向外間透露電影嘅詳情,據知今次電影會加插好多特技場面,所以喺投資預算上亦會相對增加。而首次主演這類型電影嘅古仔,相信會帶畀觀眾一定嘅驚喜。
http://hk.apple.nextmedia.com/realtime/ ... d=13411977