萬眾期待的《鐵甲奇俠 2》（ Iron Man 2），本周五（ 30日）率先在香港上映。原來這部荷李活科幻巨制也有香港人參與幕後的電腦特技制作，身為佐治魯卡斯（ George Lucas）主理的 Industrial Light& Magic（ ILM）特技公司數碼畫師的 Jeremy Choi，日前在新加坡辦公室接受本報記者越洋電話訪問，他表示今集的機械打斗場面比起首集更為厲害。
羅拔唐尼（左）與當積度對戰一眾機械人的場面，是 Jeremy自言最滿意的特技場面之一。
香港土生土長的 Jeremy，已有 7年制作電腦 CG特技的經驗，他說：“我兩年前已經到咗新加坡，加入佐治魯卡斯主理嘅 Lucasfilm Ltd分公司 Industrial Light& Magic，曾經為《阿凡達》（ Avatar）、兩集《變形金剛》（ Transformer）同《星空奇遇記》（ Star Trek）等做過電腦特技。”
本身很喜歡機械人的 Jeremy續說：“今次《鐵甲奇俠 2》共有 530個視覺特技效果鏡頭，單系我地呢邊新加坡嘅公司已經負責超過 190個鏡頭制作，接近三分一。我地最主要嘅工作系將角色喺綠幕拍下嘅片段融合到所需嘅背景，仲有好似喺預告片睇到嘅機械人打斗場面上嘅機械質感同畫面燈光都系我地負責，會比上集更加仔細。”
做足 7個月
為了《鐵甲奇俠 2》， Jeremy由去年 8月開始共花了 7個月時間，聯同新加坡超過 60名同事一同制作電腦特技，他說：“當中還有兩名同事系香港人。我地喺呢度工作唔似喺香港有咁大壓力，通常朝 8晚 5，公司又唔會逼我地好多 OT。魯卡斯唔會干涉其他人工作，我地上司又唔會畀好多壓力我地，導演又畀好多指引我地參考。”
采訪：張一明
